Կարեն Դեմիրճյանի անվան մարզահամերգային համալիրում այսօր պրոֆեսիոնալ բռնցքամարտի մեծ երեկո է լինելու: Ռուսական «Պատրիոտ» եւ «ՈւրալԲոքս Պրոումոշըն» ընկերությունները կազմակերպում են հինգ մենամարտ, որոնցում ընդգրկված են նաեւ մեր հանրապետության բռնցքամարտիկներ:
66,7 կգ քաշային կարգում միմյանց դեմ կելնեն հայաստանցիներ Հայրիկ Նազարյանը եւ Ղուկաս Ղուկասյանը, որոնք կմենամարտեն վեց ռաունդ, 90,7 կգ քաշային կարգում՝ Ռավշանբեկ Ջաբբարովը (Ուզբեկստան) եւ Անդրեյ Ստոցկին (Ռուսաստան)՝ չորս ռաունդ, +90,7 կգ՝ Միրզախիջոն Աբդուլլաեւը (Ուզբեկստան) եւ Արտյոմ Սուսլենկովը (Ռուսաստան)՝ վեց ռաունդ, 69,9 կգ՝ Մուզաֆֆար Ռասուլովը (Ուզբեկստան) եւ Լուիս Միգել Բայոնան (Ռուսաստան)՝ վեց ռաունդ:
Երեկոն կեզրափակվի օրվա գլխավոր մենամարտով, որում 10 ռաունդանոց մենամարտում միմյանց դեմ կելնեն +90,7 կգ քաշայիններ, ամերիկացի Մայք Բալոգունը եւ ռուսաստանցի Մուրատ Գասսիեւը:
Երեկ երեկոյան կայացել է բռնցքամարտիկների կշռման արարողությունը:
Կարդացեք նաև
Աշոտ ՀԱԿՈԲՅԱՆ
