Լրահոս
Օրվա լրահոսը

Արաբկիրի ոստիկանների պայքարն անօրինական թմրաշրջանառության դեմ արդյունավետ էր մասնավորապես մարտի 23-ին

Մարտ 29,2023 10:54

Թմրամոլության և անօրինական թմրաշրջանառության դեմ պայքարում Արաբկիրի ոստիկանների պայքարն արդյունավետ էր մասնավորապես մարտի 23-ին:

Առաջին դեպքում բաժնի քրեական հետախույզները համագործակցեցին անչափահասների գործերով և ընտանիքում բռնության կանխարգելման բաժանմունքի գործընկերների հետ: Ապօրինի թմրանյութ պահելու և իրացնելու կասկածանքով Արամ Խաչատրյան փողոցում ձերբակալվեց և ոստիկանության Արաբկիրի բաժին տեղափոխվեց 23-ամյա մի երիտասարդ: Անձնական խուզարկությամբ նրա մոտ հայտնաբերվեցին դեղնականաչավուն զանգվածով երեք փաթեթ ու կաթուցիչ:

Նախաձեռնվեց քրեական վարույթ: Զննությամբ դպրոցի հետնամասում հայտնաբերվեց տարա, որի մեջ նույն պարունակությամբ ևս հինգ փաթեթ կար:

Երիտասարդը ներկայացվել է քննչական բաժին, հանգամանքները նախաքննությամբ պարզվում են:
Նույն օրը ձեռնարկված մեկ այլ միջոցառման ընթացքում Արաբկիրի քրեական հետախույզները համագործակցեցին բաժնի համայնքային ոստիկանների հետ: Ապօրինի թմրանյութ պահելու և իրացնելու կասկածանքով Կորեայի ձոր կոչվող տարածքում նրանք ձերբակալեցին և, «Նիսան Տիդա» մակնիշի մեքենայով հանդերձ, բաժին տեղափոխեցին 30 և 39 տարեկան երկու տղամարդու: Նրանցից մեկը` Եղվարդի, մյուսը Չարենցավանի բնակիչ է: Անձնական խուզարկությամբ 30-ամյա եղվարդցու մոտ հայտնաբերվեց կպչուն ժապավենի 40 փաթեթ` կրիստալի նմանվող զանգվածով, ընդհանուր մոտ 85 գրամ քաշով:

Երկուսն էլ ներկայացվել են Արաբկիր վարչական շրջանի քննչական բաժին: Նախաձեռնվել է քրեական վարույթ, նշանակվել են փորձաքննություններ: Նախաքննությամբ հանգամանքները պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ ՈՍՏԻԿԱՆՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2023
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031