Ապրիլի 15-ից 23-ը Երեւանի Կարեն Դեմիրճյանի անվան մարզահամերգային համալիրում կկայանա ծանրամարտի Եվրոպայի տղամարդկանց եւ կանանց առաջնությունը, որը վարկանիշային է 2024 թվականի Փարիզի 33-րդ ամառային օլիմպիական խաղերի համար։ Եվրոպայի առաջնությանը մասնակցելու են շուրջ 40 երկրների 500-ից ավելի մարզիկներ։
Հայաստանի տղամարդկանց եւ կանանց ազգային հավաքականների մարզչական շտաբերը հրապարակել են այն մարզիկների անունները, որոնք ՄՀՀ-ի մրցահարթակում կպայքարեն չեմպիոնական ոսկե մեդալների կամ մրցանակային տեղեր զբաղեցնելու համար։
Տղամարդիկ․ 67 կգ քաշային կարգ՝ Գոռ Սահակյան, 81 կգ՝ Ռաֆիկ Հարությունյան, 89 կգ՝ Անդրանիկ Կարապետյան, 96 կգ՝ Դավիթ Հովհաննիսյան եւ Արա Աղանյան, 102 կգ՝ Գարիկ Կարապետյան, 109 կգ՝ Սամվել Գասպարյան եւ Պետրոս Պետրոսյան, +109 կգ՝ Սիմոն Մարտիրոսյան եւ Վարազդատ Լալայան։
Կանայք․55 կգ՝ Իզաբելլա Յայլյան եւ Ալեքսանդրա Գրիգորյան, 64 կգ՝ Անուշ Արշակյան, 76 կգ՝ Էմմա Պողոսյան եւ Տաթեւ Հակոբյան, 81 կգ՝ Լիանա Գյուրջյան եւ Աննա Ամրոյան, 87 կգ՝ Հռիփսիմե Խուրշուդյան եւ Մարգարիտա Առաքելյան, +87 կգ՝ Ջուլիետա Ավանեսյան։
Կարդացեք նաև
Ծանրամարտի Եվրոպայի առաջնության բացման հանդիսավոր արարողությունը նշանակված է ապրիլի 14-ին։
Աշոտ ՀԱԿՈԲՅԱՆ
