Այս տարվա առաջին եռամսյակում Հայաստան է այցելել 451,850 զբոսաշրջիկ։ Ըստ վիճակագրական կոմիտեի տվյալների, ՀՀ այս տարվա առաջին եռամսյակում ՀՀ այցելած զբոսաշրջիկների թիվն աճել է 81.2%-ով։
2022 թվականի առաջին եռամսյակում մեր երկիր այցելած զբոսաշրջիկների թիվը կազմել է 249, 361։
Հայաստան այցելուների մեծ մասը կամ 55․18%-ը՝ Ռուսաստանից է։ Ըստ այդմ՝ այս տարվա հունվար-մարտին ՀՀ այցելած 451,850 զբոսաշրջիկներից 237, 040-ը Ռուսաստանի Դաշնությունից են։ ՌԴ-ից նախորդ տարվա հունվար-մարտին Հայաստան է այցելել 108,976
Վիճակագրական կոմիտեն ցուցանիշները ներկայացնում է ըստ երկրի քաղաքացիության։ Այդ տվյալների համաձայն, ՌԴ-ից հետո մեր երկիր այցելությունների բարձր ցուցանիշն ապահովել են ՀՀ քաղաքացիությամբ (կամ գուցե երկքաղաքացիությամբ) այցելությունները՝ այս տարվա հունվար-մարտին՝ 74,186 նախորդ տարվա նույն ժամանակահատվածում՝ 56, 519։
Կարդացեք նաև
Նույն ժամանակահատվածում Վրաստանից ՀՀ այցելությունների թիվը կազմել է 53,707, նախորդ տարվա առաջին եռամսյակում Վրաստանից այցելությունների թիվը կազմել է 24, 158։
Այս տարվա առաջին եռամսյակում նախորդ տարվա նույն ժամանակահատվածի համեմատ Իրանից այցելությունների թիվը շատ չի աճել, ընդամենը 2167-ով ավել զբոսաշրջիկ է այցելել։ Այսինքն՝ եթե նախորդ տարվա առաջին եռամսյակում Իրանից մեր երկիր է այցելել 23, 291 մարդ, ապա այս տարվա հունվար-մարտին՝ 25,458։
Հաջորդն այցելուների քանակով Ֆիլիպիններն է։ Այս երկրից այցելություններն աճել են 2.9 անգամ։ 2023-ի առաջին եռամսյակում Ֆիլիպիններից Հայաստան է այցելել է 5,981 մարդ, նախորդ տարի նույն ժամանակահատվածում՝ 2,036 մարդ։
Այցելություններով Ֆիլիպիններին հաջորդում է Ուկրաինան։ Այս երկրից ՀՀ այս տարվա առաջին եռամսյակում այցելել է 5,705 զբոսաշրջիկ, նախորդ տարի նույն ժամանակահատվածում՝ 4,027։
Հնդկաստանից 4,809 զբոսաշրջիկ է այցելել ՀՀ այս տարվա հունվար մարտին, իսկ 2022-ի հունվար-մարտին՝ 2,207, ԱՄՆ-ից այս տարվա առաջին եռամսյակում՝ 4,797, 2022-ի առաջին եռամսյակում 3,917 այցելություն, Բելառուսից՝ 2023-ի առաջին եռամսյակում՝ 3,425, 2022-ի առաջին եռամսյակում՝ 2,853։
Թուրքիայից նույնպես քիչ չեն այցելությունները։ Այս տարվա հունվար-մարտին Թուրքիայից Հայաստան զբոսաշրջիկների այցելությունները կազմել են 2,712, նախորդ տարի նույն ժամանակահատվածում՝ 1,244։
Նելլի ԲԱԲԱՅԱՆ