«Հայտարարությունը ամենալավը մեկնաբանել է վարչապետը, որ նախ զարմանք արտահայտեց, դրանով ապացուցելով, որ ոչ մի ուրիշ գաղտնի խոսակցություն չկա, և երկրորդը, որ դրանով Պուտինի դեմքը բացվեց»․ այս մասին նշում է «Քաղաքացիական պայմանագիր» կուսակցության պատգամավոր Հակոբ Ասլանյանը՝ անդրադառնալով Մոսկվայում տեղի ունեցած եռակողմ հանդիպման ընթացքում Ադրբեջանի նախագահ Ի․ Ալիևի հայտարարությանը, որ Ռուսաստանը կողմ է այսպես կոչված «Զանգեզուրի միջանցքին»։
Հարցին, թե արդյոք պատգամավորը կարծում է, որ Պուտինը կողմ է այդ միջանցքին, Հակոբ Ասլանյանը պատասխանեց․ «Ռուսաստանը ցանկանում է Ադրբեջանի ձեռքով այդ միջանցքը ունենալ»։
Պատգամավորը կարծում է, որ Ալիևը ներքուստ զգում է, որ Հայաստանը զարգանում է․ «Դրա համար էլ նշում է, որ հայերը տեսեք ռևանշի է պատրաստվում և ապացույց է նշում, որ մեր ռազմական բյուջեն միլիարդից անցնում է։ Այսինքն Ադրբեջանի գործունեությունը այսօր շատ ավելի հուսահատական է»։
Հարցնի, թե ինչ են Հայաստանին տալիս Ռուսաստանի և Արևմուտքի միջնորդությամբ բանակցությունները Ադրբեջանի հետ, Ասլանյանը ասաց․ «Ռուսաստանի միջնորդությունը մինչև հիմա տեսել ենք, թե 20 տարի ինչ է տվել։ Միջազգային հանրության դեպքում տեսնում ենք, թե ինչպես է Ալիևի ձեռքերը կարճանում։ Ալիևը գնալով էլ ավելի է կծկվում միջազգային հանրության որոշումների առջև»։
Կարդացեք նաև
Մանրամասները՝ տեսանյութում։
