2023 թվականին Պետական եկամուտների նախարարությունն ապահովել է 2 տրիլիոն 221 միլիարդ դրամի հարկային մուտքեր, որը շուրջ 296 միլիարդով ավելի է եղել նախորդ տարվանից. այս մասին այսօր «Արմենպրեսս» մամուլի սրահում կայացած ասուլիսում հայտարարեց ՊԵԿ նախագահ Ռուստամ Բադասյանը՝ ամփոփելով իր ղեկավարած կառույցի անցնող տարվա աշխատանքը:
ՊԵԿ ղեկավարը 2023-ն իր ղեկավարած գերատեսչության համար հայտարարեց «ստվերի դեմ պայքարի հաջող տարի»: Այս հայտարարությունը հիմնված է նրա վրա, որ կառավարության ծրագրով նախատեսված հարկեր-ՀՆԱ հարաբերակցության բարելավումը 0,5 կետով ապահովվել է: Բոլոր ուղղություններով հարկերի վճարումը ավելացել է, բացառությամբ բնօգտագործման մասով, պատճառը՝ մետաղների միջազգային գներն են:
Հարկային աճի ցուցանիշները ամբողջական բացատրելու համար, ՊԵԿ նախագահը հորդորում է սպասել մինչեւ փետրվար ամիս, երբ արդեն ամփոփված կլինեն տվյալները եւ հստակ կլինի անվանական ՀՆԱ-ի աճի ցուցանիշը: Ամեն դեպքում, հարկային վարչարարության 0,5 կետով ավելացումը բավական դրական ցուցանիշ է ինքը համարում:
Կարդացեք նաև
Այլ մանրամասները՝ տեսանյութում
Նելլի ԳՐԻԳՈՐՅԱՆ
