Aravot.am-ի տեղեկություններով, ՀՀ հակակոռուպցիոն կոմիտեն ստացել է «Գորիս» քրեակատարողական հիմնարկի 56-ամյա դատապարտյալ Գ․Գ-ի դիմումը, որտեղ նա նշել է, որ Սյունիքի ընդհանուր իրավասության դատարանում քննվող քրեական գործի դատաքննությանը տվել է իր նախաքննական ցուցմունքին հակասող սուտ ցուցմունք։
Նա հայտարարել է, որ քննիչի կողմից նրա հարցաքննության արձանագրությունը կեղծված է, արձանագրությունում առկա ստորագրությունը չի պատկանում վկային, ավելին՝ ցուցմունք տալու նպատակով քննիչը Գ․Գ․-ին գումար ու քաղցրավենիք է առաջարկել։
Դատապարտյալի դիմումի հիման վրա ՀՀ հակակոռուպցիոն կոմիտեում նախաձեռնվել է քրեական վարույթ։
Իսկ ինչ վերաբերում է սուտ ցուցմունք տված դատական գործին, ապա այդ վարույթով մեղադրյալ կին է, որը մեկ այլ կնոջ պատճառել է մարմնական վնասվածք՝ առաջացնելով առողջության կարճատեւ քայքայում։ Սույն գործով դատաքննությունը շարունակվում է։
