«Հայաստանին ռազմական աջակցություն ցուցաբերելն այսօր ոչ մի օգուտ չի խոստանում ոչ Հայաստանին, ոչ տարածաշրջանին։ Փոխարենը անհրաժեշտ է տարածաշրջանում խաղաղության խրախուսումը: Մենք բազմիցս ասել ենք Ֆրանսիայի ներկայացուցիչներին, որ նրանք չպետք է փորձեն այլ կերպ աջակցել Հայաստանին։
Թող չմոռանան, որ Ադրբեջանը երբեք միայնակ չէ»,- լրագրողների հետ զրույցում հայտարարել է Թուրքիայի նախկին արտգործնախարար, ՆԱՏՕ-ում Թուրքիայի պատվիրակության ղեկավար Մևլութ Չավուշօղլուն:
«Ադրբեջանի և Թուրքիայի միջև դաշնակցային հարաբերությունների մասին» Շուշիի հռչակագրի համաձայն՝ Թուրքիան Ադրբեջանին կցուցաբերի ցանկացած տեսակի աջակցություն»,- շեշտել է նա։
«Ադրբեջանը կարևոր դեր է խաղում Արևմուտքի էներգետիկ անվտանգության ապահովման գործում։ Այս կապակցությամբ արևմտյան երկրները, մասնավորապես՝ Ֆրանսիան, պետք է ճնշում գործադրեն Հայաստանի վրա՝ շուտափույթ խաղաղություն կնքելու համար», – ասել է Մևլութ Չավուշօղլուն։