Ջաջուռի կամ Հերհերի ձորում, որտեղ Շիրակի ու Լոռու մարզի բնակիչները ծաղիկներ խոնարհեցին Հայոց Ցեղասպանության զոհերի հիշատակին, շիրակցի ֆերմեր Գևորգ Ավագյանն ասաց․ «Այսօրվա իշխանություններն ուզում են պատմությունից, մեր հիշողությունից ջնջել Հայոց Ցեղասպանությունը՝ տուրք տալով Ալիևի պահանջին։
Մենք մեր հարազատներով՝ երեխաների հետ, եկել ենք Ջարդի ձոր՝ հարգելու մեր անմեղ զոհերի հիշատակը ու ասելու, որ պահանջատեր ենք, ու այն հայը, ով կուրանա Ցեղասպանությունը, նա ազգի դավաճան է։
Այս իշխանությունից պիտի օր առաջ ազատվել, հայրենիքն օրհասական վիճակում է, պիտի ազգովի կանգնենք ոսկեպարցու, կիրանցու կողքին։
Կարդացեք նաև
Ո՞ր օրվանից նորահայտ Ադրբեջան պետությունը տեր կանգնեց մեր ունեցածին, պիտի մերժել թրքահպատակ իշխանությանը։
Մեր պապերն արյուն են թափել, այս հողը տվել են մեզ, իսկ մենք՝ երիտասարդներս, չպիտի կարողանա՞նք պահել, համախմբվելու ենք՝ հանուն հայրենիքի փրկության», -ասաց Գևորգ Ավագյանը։
Նունե ԱՐԵՎՇԱՏՅԱՆ
