Տեղի է ունեցել «Լուսավոր Հայաստան» կուսակցության քաղաքական խորհրդի արտահերթ նիստ։ Ելույթով հանդես են եկել կուսակցության նախագահ Էդմոն Մարուքյանը և փոխնախագահ Դավիթ Խաժակյանը։ Խորհրդի անդամները տեսակետներ են հնչեցրել արտաքին քաղաքական մարտահրավերների վերաբերյալ, ինչպես նաև քննարկվել են մի շարք կուսակցական հարցեր։
Էդմոն Մարուքյանը իր ելույթում անդրադարձել է սահմանազատման գործընթացին, խաղաղության պայմանագրի շուրջ բանակցություններին, ինչպես նաև Լեռնային Ղարաբաղի ժողովրդի իրավունքներին։ Ընդգծել է նաև, որ եթե իշխանությունը չի հրաժարվում նոյեմբերի 9-ի հայտարարության դրույթների կատարումից, ապա կրկին միակողմանի զիջումների չգնալու նպատակով պետք է մյուս կողմերից պահանջի փաստաթղթի մնացյալ կետերի կատարումը։
Դավիթ Խաժակյանը ևս խոսելով նոյեմբերի 9-ի հայտարարության մասին զուգահեռներ է անցկացրել արցախյան հիմնահարցի հետ, երբ առկա էր հակամարտության կարգավորման ծրագիր, որը մերժվել է իրագործել՝ հանգեցնելով պատերազմի։
Քաղաքական խորհրդի անդամները արձանագրել են, որ այս հարցերը վերկուսակցական են, չպետք է դառնան ներքաղաքական շահարկումների առարկա, ինչպես նաև ակնկալում են լայն համախոհություն՝ հնարավոր արհավիրքից խուսափելու համար։
Կարդացեք նաև
«Լուսավոր Հայաստան» կուսակցություն
