«Վեոլիա ջրի» պայմանագիրը կնքվել է այն ժամանակ, երբ կոալիցիոն կառավարման մաս էիք։ Տենց խրոխտ ելույթներ ունենո՞ւմ էիք էն ժամանակ, թե էդ պայմանագիրը նկատելի չէր։ Ոչ էն ժամանակ, ոչ հիմա քաղաքացիների մասին չեք մտածում»,- ՀՀ ԱԺ նիստի ժամանակ դիմելով «Հայաստան» խմբակցության պատգամավոր Արթուր Խաչատրյանին՝ ասաց ՔՊ խմբակցության պատգամավոր Ծովինար Վարդանյանը։
Պատգամավորն ասաց՝ երբ հանձնաժողովում այս հարցը քննարկվում էր, Արթուր Խաչատրյանը եկավ, իր համար տեսանյութ սարքեց ու գնաց։
Արթուր Խաչատրյանը (լուսանկարում) արձագանքեց․ «Տիկին Վարդանյան, կհիշեցնե՞ք՝ քանի հարց եմ տվել հանձնաժողովի քննարկման ժամանակ պարոն Ղալամքարյանին։ Ինչքան ուզել, հարց տվել եմ, դուրս եմ եկել, երբ հարցերը վերջացել էին։ Ձեր խմբակցությունի՞ց քանի հոգի է հարց տվել։ Եթե հարց չտայի, էդ նիստը հինգ րոպե կտևեր»։
Կարդացեք նաև
Անդրադառնալով ՔՊ-ական պատգամավորի այն պնդմանը, թե «Վեոլիա ջրի» հետ պայմանագիրը կնքելիս ՀՅԴ-ն իշխող կոալիցիայի մաս էր, Արթուր Խաչատրյանն ասաց․ «2015-ին մենք բացարձակապես իշխող կոալիցիայի հետ կապ չունենք։ Մարդիկ ութ տարի է՝ իշխանության են, բայց էլի նախկիններն են մեղավոր։ Ութը տարում մի պայմանագիր չեն բաշարել փոխել»։
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
