«Փաշինյանենք ձե՞ռ են առնում՝ իրենց կառավարման օրոք, պատճառով Արցախը գրավվել է եւ հայաթափվել»,- ԱԺ ճեպազրույցների ժամանակ ասաց «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով Նիկոլ Փաշինյանի այն մեղադրանքներին, թե ընդդիմության գործողություների հետեւանքով է Արցախը օկուպացվել։
«Անկախ Արայիկ Հարությունյանի հետ ունեցած իմ քաղաքական տարաձայնություններից, ես ճիշտ չեմ համարում խոսել մարդու մասին, ով հիմա Բաքվի բանտում է, բայց այս մեկը ուղղակի չեմ կարող չասել։ Դա առաջին անգամը չի եղել, որ պարոն Հարությունյանն այդ ժամանակահատվածում հրաժարական է տվել։ Եվ այն խիզախ, հայրենասեր, պատասխանատու գործիչները, որոնք այդ ժամանակ ստանձնել են Արցախի կառավարումը, պարզապես այլընտրանք չունեին, որովհետեւ արդեն որերորդ անգամ այդ պահին Արցախի իշխանությունների բարձրագույն ներկայացուցիչը ցանկանում էր հրաժարական տալ։ Ուստի, ես չեմ հասկանում՝ ինչքա՞ն կարելի է լկտի սուտ ասել»,- նշեց Մամիջանյանը։
Նա ասաց, որ ՔՊ-ականները փորձում են ներկայացնել, թե իրենց ու Ադրբեջանի միջեւ ոչ մի պայմանավորվածություն, բացի թղթի վրա գրվածից, չկա։ Բայց փաստացի երկու օր առաջ Ադրբեջանի ներկայացուցիչն ասել է, որ ստորագրման նախապայմանը Հայաստանի Սահմանադրության փոփոխությունն է։
«Այդ թղթի մեջ Սահմանադրության փոփոխության մասին բառ չկա, ստացվե՞ց, որ այդ թղթի մեջ ամեն ինչ չէ գրված։ Իսկ որտե՞ղ են երաշխիքները, որ մի ամիս հետո էլ Ադրբեջանից որեւէ մեկը չի ասի՝ բայց մի հատ էլ նախապայման կա, ձեզ խաբել են, չեն ասել։ 2018 թվականին Փաշինյանը խնդրել է Ալիեւին՝ նվազեցնել սահմանային լարվածությունը, որովհետեւ ինքը պիտի ուժեղ հանրապետականների հարցերը փորձեր լուծել։ Ինչի՞ դիմաց է դրան համաձայնել Ալիեւը, այդ հարցի պատասխանը չունեմ։ Այդ նույն հարցը պետք է տան մեր հայրենակիցները։ Ակնհայտ է, չէ, որ դիմացը ինչ-որ խոստում է տրվել, իսկ քանի՞ նման խոստումներ կան, որոնց մասին դեռ չգիտենք»,- նշեց նա։
Կարդացեք նաև
Մանրամասները՝ տեսանյութում
Անդրադառնալով ընդդիմության միասնության մասին հարցերին՝ Հայկ Մամիջանյանն ասաց, որ հղում է անում ՀՀԿ-ի 18-րդ համագումարում երրորդ նախագահ Սերժ Սարգսյանի հնչեցրած 4 կետերին, որոնք գործնական մակարդակում ապահովում են միասնական ընդդիմադիր ճակատի գործողությունները. «Դա է ՀՀԿ մոտեցումն ընդդիմության միասնականությանը, դրանք են մեր առաջարկները եւ դրանց հետ կապված մանրամասներ կլինեն գալիք շաբաթ»։
Ամբողջական տեսանյութն՝ այստեղ
Ռոզա ՀՈՎՀԱՆՆԻՍՅԱՆ
