Լեհաստանի Կատովիցե քաղաքում ավարտվեց 2026 թվականի շախմատի Եվրոպայի անհատական առաջնությունը:
Չեմպիոն դարձավ 18-ամյա ուկրաինացի միջազգային վարպետ Ռոման Դեխտյարովը, ով 11 հնարավորից վաստակեց 9 միավոր:
Հայ շախմատիստներից 2027 թվականի աշխարհի գավաթի ուղեգրեր նվաճեցին գրոսմայստերներ Ռոբերտ Հովհաննիսյանը և Հայկ Մարտիրոսյանը, որոնք 8 միավորով կիսեցին 5-23-րդ հորիզոնականները՝ լրացուցիչ ցուցանիշներով զբաղեցնելով համապատասխանաբար 9-րդ և 13-րդ հորիզոնականները:
Հայ շախմատիստներից մրցանակակիրների շարքում է նաև միջազգային վարպետ Արսեն Դավթյանը, որը նույնպես 8 միավորով զբաղեցրեց 23-րդ հորիզոնականը:
Առաջնության շրջանակում Արսեն Դավթյանը լրացրեց իր գրոսմայստերի առաջին նորման, իսկ Տիգրան Համբրաձումյանը՝ իր միջազգային վարպետի երկրորդ նորման:
Ներկայացնում ենք Հայաստանը ներկայացնող բոլոր շախմատիստների արդյունքները. ՄԳ Հայկ Մարտիրոսյան՝ 8 միավոր ՄԳ Ռոբերտ Հովհաննիսյան՝ 8 միավոր ՄՎ Արսեն Դավթյան՝ 8 միավոր ՄԳ Էմին Օհանյան՝ 7.5 միավոր ՄԳ Շանթ Սարգսյան՝ 7.5 միավոր ՄԳ Գաբրիել Սարգսյան՝ 7.5 միավոր ՄԳ Արթուր Դավթյան՝ 7.5 միավոր ՄԳ Մանուէլ Պետրոսյան՝ 7 միավոր ՄՎ Վահե Սուքիասյան՝ 6.5 միավոր ՄԳ Մամիկոն Ղարիբյան՝ 6.5 միավոր ՖՎ Տիգրան Համբարձումյան՝ 6.5 միավոր ՄՎ Ռոբերտ Փիլիպոսյան՝ 6.5 միավոր ԿՄԳ Մարիամ Մկրտչյան՝ 6.5 միավոր ՖՎ Հայկ Երիցյան՝ 5 միավոր Րաֆֆի Ղազարյան՝ 4.5 միավոր
Հայաստանի շախմատի ֆեդերացիա
