«Բոլորի համար ակնհայտ իրողություն է, որ ՀՀ-ն դիվերսիֆիկացնում է իր հարաբերությունները։ Այդ համատեքստում նաև ռազմական ոլորտում, պաշտպանական քաղաքականության ոլորտում ևս տեղի է ունենում դիվերսիֆիկացիա»,-փաստմանը՝ ՀՀ-ն և Հնդկաստանը ռազմական տեխնիկայի մշակում են սկսել և հարցին՝ կմանրամասնե՞ք, Հաղթանակի զբոսայգում լրագրողների հետ զրույցում այսպես պատասխանեց ՀՀ ՊՆ փոխնախարար Արման Սարգսյանը։
Հարցին՝ Հնդկաստանն ինչպիսի՞ գործընկեր է, Արման Սարգսյանը պատասխանեց․ «Եթե ունենք հարաբերություններ, և դրանք դրական դինամիկայով զարգանում են, բնականաբար, հրաշալի։ Տեսնում եք, որ բարձր մակարդակով այցեր են տեղի ունենում, ինչը գովելի է և բխում է ՀՀ շահերից։ Մենք չպետք է պարփակված մնանք մեր խնդիրներով։ Որքան շատ պետությունների հետ համագործակցենք՝ այդ թվում եվրոպական, աշխարհի այն երկրների հետ, որոնք ցանկանում են՝ ՀՀ-ում լինի խաղաղություն, դա իրականացնում են ի նպաստ մեր պաշտպանական կարողությունների զարգացման, նրանց հետ մեր համագործակցությունը պետք է իրականացվի»։ Արման Սարգսյանը վստահեցրեց՝ ՀՀ-ն որևէ մեկի հաշվին որևէ մեկի հետ հարաբերություններ չի հաստատում, այլ իրականացնում է դիվերսիֆիկացիա։
Ուղիղ միացում Հաղթանակի զբոսայգուց՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարն՝ արխիվային
