«Անցնող տարիներին Աջափնյակ բառը ամենաշատը օգտագործվել է Աջափնյակ մետրո կայարան համատեքստում: Տիգրան Ավինյան, վերջը ո՞ւր է մեր մետրոյի կայարանը»,- այսօր Աջափնյակ վարչական շրջանում նախընտրական հանդիպման ժամանակ հարցրեց ԱԺ «Հայաստան» դաշինքի պատգամավորի թեկնածու Աննա Գրիգորյանը:
Գրիգորյանը նաև հավաքվածներին հարց ուղղեց․ «Իսկ դուք գիտե՞ք, որ 1,8 միլիարդ դրամ ծախսվել է նախագծի ու ծավալաթերթի վրա: Այսինքն՝ կայարանը չկա, քրեական գործը կա, միլիարդները վատնված են, իսկ այդ միլիարդները հաստատ իրենց գրպանում չեն եղել: Մեր բոլորի վճարած հարկերի արդյունքում է եղել»։
Գրիգորյանի խոսքով՝ այն մարդիկ, որոնք մեծ-մեծ խոսում են մեծ նախագծերի մասին՝ TRIPP-ից, խաղաղության խաչմերուկից, մի կայարան 8 տարում չկարողացան կառուցել․ «Այ այսպիսի իշխանության մասին ենք հիմա խոսում: Ճիշտ այնպես, ինչպես ակադեմիական քաղաքը: Ակադեմիական քաղաքներն ու Աջափնյակի մետրոյի կայարանը երևի կարելի է քույր քաղաքներ համարել, հիշեցնեմ, որ չկա ակադեմիական քաղաքը»:
Կարդացեք նաև
Արփինե ՍԻՄՈՆՅԱՆ
