Իրավապաշտպան Տաթևիկ Սողոյանի ֆեյսբուքյան գրառումը
Պիտի խոստովանեմ, որ երբ վարորդական իրավունքից զրկված քաղաքացիները Կառավարության դիմաց ցույց էին անում, միամտորեն հույս ունեի, որ իշխանությունը էժան պոպուլիզմի չի գնա և չի բավարարի ցուցարարների պահանջը։ Պարզվեց՝ սխալվում էի։
Մեր երկիրը մահացու ավտոպատահարների ցուցանիշով շարունակում է առաջատար դիրքեր զբաղեցնել աշխարհում, բայց գոնե վարորդի աչքերով անհնար չէ չտեսնել տարբերությունը, երբ, մեղմ ասած, կարգազանց վարորդներից շատերը մեկուսացված են երթևեկությունից։ Ինչո՞ւ որոշները. որովհետև մյուսները շարունակում են նույն կերպ երթևեկել՝ առանց վարորդական վկայականի։
Ու հիմա ի՞նչ է անում լեգիտիմության փշրանքների հետևից վազող և տուգանքներ «ջրող» իշխանությունը. ճիշտ է ՝ վերականգնում է փորձանքաշատների վարորդական վկայականները։
Կարդացեք նաև
Ընդ որում, եթե տուգանքները «ջրելիս» անհավասար դրություն էր ստեղծվում պարտաճանաչ մուծողների և չմուծողների մեջ, հիմա ի հավելումն դրա նաև վտանգավոր վարքագծով մարդիկ են պարզապես վերադառնում երթևեկություն։
Լենա Նազարյանի ասած՝ ո՞ւմ երեխաների կյանքի գնով են Արցախը… էէէ վարորդականները հետ բերում։
