«Ապրելու երկիր» կուսակցության համահիմնադիր Մեսրոպ Առաքելյանի տելեգրամյան գրառումը
Հունիսի 1-ի առթիվ իմ շնորհավորանքներն ու բարեմաղթանքները երեխաներին են ուղղված, իսկ կոչս՝ մեծերին։
Այս համատարած աղմուկի ու հակասությունների պայմաններում, անկախ քաղաքական հայացքներից և դիրքավորումներից, մեր ընդհանուր պատասխանատվությունն է նպաստել այնպիսի համակարգերի ձևավորմանն ու կայացմանը, որոնց շնորհիվ յուրաքանչյուր երեխա կապրի խաղաղ ու անվտանգ միջավայրում, կստանա որակյալ կրթություն, կունենա զարգացման հավասար հնարավորություններ, կպահպանի իր երազանքներն ու կկարողանա լիարժեք իրացնել իր ներուժը։
Երեխաների իրավունքների, կրթության և բարեկեցության շուրջ չի կարող լինել տարակարծություն. դրանք այն հիմնարար արժեքներն են, որոնց շուրջ պետք է համախմբվի յուրաքանչյուր առողջ հասարակություն։
Կարդացեք նաև
Աշխարհին մանկան մաքրություն է պետք, և այդ մաքրությունն ու ազնվությունը պետք է վարակիչ լինեն՝ ձևավորելով մեր հանրային կյանքը, մեր վերաբերմունքն ու մեր ապագան։
Շնորհավո՛ր ձեր տոնը, սիրելի երեխաներ, ապրեք ուրախ և ձեր ուրախությամբ ապրեցրեք մեզ:
