Մինչև 2030 թվականը ԵՄ-ին Հայաստանի անդամակցությունը քիչ հավանական է, «Իզվեստիային» ասել է եվրախորհրդարանի լյուքսեմբուրգցի պատգամավոր Ֆերնան Կարտհայզերը։
«Թեև Հայաստանը ԵՄ-ում մեծ համակրանք է վայելում, և պաշտոնական հարաբերությունները շարունակում են խորանալ, անդամակցության հարցը դեռևս առավելապես տեսական բնույթ է կրում։
Հաշվի առնելով Հայաստանի աշխարհագրական դիրքը և առնվազն մեկ հարևան երկրի հետ բարդ հարաբերությունները՝ նման թեկնածությունը բազմաթիվ հարցեր է առաջացնում։
Չնայած վերջին տարիներին ԵՄ-ի և Հայաստանի հարաբերությունները կայունորեն բարելավվել են, մինչև 2030 թվականը անդամակցությունը քիչ հավանական է։
Կարդացեք նաև
Ներկայում ԵՄ-ն առաջնահերթորեն զբաղվում է Բալկանների թեկնածու երկրների հարցերով, ինչպես նաև ԵՄ-ին անդամակցելու ճանապարհին կանգնած Ուկրաինայի և Մոլդովայի հետ կապված չլուծված խնդիրներով», – ասել է նա։
Միաժամանակ, Կարտհայզերի խոսքով՝ այս պահին նախընտրելի կլինի ընդլայնել համագործակցությունը Հայաստանի հետ՝ նրա տնտեսությունն ամրապնդելու, կենսամակարդակը բարձրացնելու և մշակութային կապերը խորացնելու նպատակով։
Հայաստանը կարող է նաև դառնալ ԵՄ արտաքին քաղաքականության կարևոր գործընկեր, օրինակ՝ Իրանի հետ իր երկարամյա հարաբերությունների շնորհիվ։
