Կառավարության այսօրվա նիստի սկզբում Նիկոլ Փաշինյանը շնորհավորեց կառավարության անդամներին՝ խորհրդարանական ընտրությունների անցկացման առիթով։
«Ուզում եմ ընդգծել, որ մեր հիմնական անելիքը նոր որակի պետություն ստեղծելու մեր առաքելության շարունակությունն է եւ պետության վերելքը, այն տրամաբանությամբ, որ պետությունը մարդու անվտանգությունը, բարեկեցությունը, ազատությունն ապահովելու միջոց է։ Եվ մենք պետք է գործենք այդ տրամաբանությամբ։ Իհարկե, մենք արդեն կսկսենք կառավարության ծրագրի նախագծի մշակումները, որը նոր կառավարության ձեւավորումից հետո պետք է հաստատվի Ազգային ժողովում։ Այս ընթացքում կփորձենք ոչ ֆորմալ քննարկումներ ունենալ կառավարության եւ ապագա կառավարության անդամների կամ ավելի լայն շրջանակի հետ, որպեսզի մեր անելիքները, ռազմավարություններն իրականացնենք եւ պլանավորենք։ Հիմնական տրամաբանությունն ակնհայտորեն լինելու է շարունակականությունը մեր գործողությունների եւ անելիքների»,- ասաց Նիկոլ Փաշինյանը։
Մանրամասները՝ տեսանյութում
Կարդացեք նաև
Նա նաեւ նշեց, որ նոր գաղափար է առաջարկում՝ ի տարբերություն նախորդ ծրագրերի՝ կառավարության այս ծրագրում ունենալ առաջնահերթությունների հստակ ցանկ։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
