ՔՊ-ին իշխանությունից հեռացնելու համար նաև փողոցային պայքարն է օրինական, սահմանադրական․ այս մասին լրագրողների հետ զրույցում ասաց «ՀայաՔվե» նախաձեռնության անդամ Ցոլակ Ակոպյանը։
«Ինչպես իրենք 2018 թվականին իրականացրեցին, նույնն էլ մեր քաղաքացիներն իրավունք ունեն՝ դուրս գալ փողոց, պայքարել անարդարության դեմ։ Որովհետև մենք տեսնում ենք, որ ընտրության միջոցով իշխանություն չի փոխվում։ Ի՞նչ պիտի անի ժողովուրդը։ Դրա հաջորդ քայլը՝ փողոց դուրս գալ և փորձել փողոցում իրավունքները պաշտպանել»,- հավելեց նա։
Նաև վերջին օրերի ձերբակալություններն ու կալանավորումները ապօրինի որակելով՝ բանախոսն ասաց․ «Չնայած՝ տղերքը պինդ են, Ավետիքը՝ պինդ է, Ավետիքը գիտի՝ ինչի համար է պայքարում»։
Նա կոչ է անում հասարակությանը՝ սթափվել, ոտքի կանգնել և վերցնել իշխանությունը, որն իրեն է պատկանում։
Կարդացեք նաև
Միաժամանակ, ժողովրդի դժգոհությունները գեներացնելը և հավաքական բողոք դարձնելը նա համարում է քաղաքական ուժերի խնդիրը։ Նման ներուժ տեսնում է։
Մանրամասները՝ տեսանյութում
Ավետիք Չալաբյանին, հիշեցնենք, մեղադրանք է առաջադրվել ընտրողների ընտրական իրավունքին խոչընդոտելու նախապատրաստության համար (մի խումբ անձանց կողմից նախնական համաձայնությամբ և իշխանական լիազորությունների օգտագործմամբ)։
Երևան քաղաքի ընդհանուր իրավասության դատարանի Կենտրոն նստավայրում այժմ քննվում է Ավետիք Չալաբյանի կալանքի հարցը։ Նախագահողն է դատավոր Ջոն Հայրապետյանը։
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
