«ՀՀ ողջ պատմության ընթացքում աննախադեպ իրավիճակում ենք, որովհետեւ ընտրության մասնակից այս քանակի ուժեր երբեք դիմում չէին ներկայացրել Սահմանադրական դատարան», – ՍԴ շենքի մոտ լրագրողների հետ զրույցում ասաց «Ուժեղ Հայաստան» դաշինքի անդամ Գոհար Մելոյանը։ Նա ասաց, որ բոլոր ուժերն էլ դիմել են ընտրության արդյունքներն անվավեր ճանչելու հիմքով։
«Մասնավորապես, մենք օգտվել ենք անվավերության բոլոր երեք հիմքերից էլ։ Ցավոք սրտի, մեր երկրում սահմանադրական մշակույթը կաղում է, կա Սահմանադրություն, կաղում է սահմանադրականությունը։ Եվ ես լիահույս եմ, որ բարձր դատարանը, այնուամենայնիվ, իր անվանը հավատարիմ մնալով՝ կկաշկանդվի այն փաստարկներով, որոնք այս քաղաքական ուժերը հենց հիմա ներկայացնում են։ Իսկ հավատացեք, քաղաքական ուժերի կողմից ներկայացվող փաստարկներն այնպիսի մասշտաբի են, որ լիովին հիմնավորում են, որ չէր կարող «Քաղաքացիական պայմանագրի» նախընտրական շրջանի եւ բուն քվեարկության օրվա գործունեությունը հետեւանքներ չթողնել այն արդյունքների վրա, որին ականատես եղանք», – հավելեց Մելոյանը։
Մանրամասները՝ տեսանյութում
Կարդացեք նաև
Հարցին, թե ՍԴ-ն ընտրության արդյունքն անվավեր ճանաչի, «Ուժեղ Հայաստան» դաշինքը պատրա՞ստ է նոր ընտրությունների, Գոհար Մելոյանը պատասխանեց․ «Եթե մենք պատրաստ չլինեինք, արդյոք մենք անվավերության դիմում կներկայացնեի՞նք։ Բնականաբար, եթե մենք այս ընտրական գործընթացի լեգիտիմությունը վիճարկում ենք, եթե փաստարկներ ենք ներկայացնում, որ միջամտություններ են եղել, որոնք էական ազդեցություն են ունեցել վերջնական արդյունքի վրա, բնականաբար, մենք պատրաստ ենք բոլոր զարգացումներին, առավելապես, անվավերության հիմքով զարգացումներին»։
Ամբողջական տեսանյութը՝
Ռոզա ՀՈՎՀԱՆՆԻՍՅԱՆ
