Լրատվամիջոցները հայտնում են, որ գնդապետ Էդիկ Մալոյանը 2 ամսով կալանավորվել է։
Միևնույն ժամանակ հայտնի է դարձել, որ Էդիկ Մալոյանի գործով անցնող Ռոման Ջավադյանը ևս 2 ամսով կալանավորվել է։
Հիշեցնենք, որ ՀՀ քննչական կոմիտեն հայտնել էր, որ պետական գաղտնիք պարունակող տեղեկությունների ապօրինի ձեռքբերման և հրապարակման վերաբերյալ քրեական վարույթի շրջանակում հանրային քրեական հետապնդում է հարուցվել ՀՀ ՊՆ զորամասի հրամանատար, գնդապետ Էդիկ Մալոյանի նկատմամբ։
ՔԿ-ի տվյալներով՝ Մալոյանը, չունենալով համապատասխան գաղտնի տեղեկություններին ծանոթանալու իրավունք, դրդել է այդ իրավունքն ունեցող զինծառայողին հրապարակել պետական գաղտնիք պարունակող տեղեկություն, այնուհետև հրապարակել է նաև իր կողմից ապօրինի ձեռք բերված գաղտնի տվյալները։
