«Իրանն այսօր». Իրանի ազգային անվտանգության գերագույն խորհրդի քարտուղար է նշանակվել Մոհսեն Ռեզային, որը զբաղեցնում էր գերագույն առաջնորդի՝ ռազմական հարցերով խորհրդականի պաշտոնը։
Ռեզային նաև նշանակվել է խորհրդում գերագույն առաջնորդի ներկայացուցիչ:
Լարիջանիից հետո խորհրդի քարտուղար նշանակված Զոլղադրը նշանակվել է գերագույն առաջնորդի քաղաքական հարցերով խորհրդական։
Նոր վերադասավորումների պատճառը կարող են լինել այն տարակարծությունները, որ Իրանի ներսում առկա են Հորմուզի նեղուցի, բանակցել-չբանակցելու, հրադադար հաստատել-չհաստատելու հարցերի շուրջ։ Իսկ այս հարցերով որոշումներն ընդունվում են Ազգային անվտանգության գերագույն խորհրդում (որոնք հետո հաստատում է գերագույն առաջնորդը)։
@IRI2day
