«Չեմ կարող ասել, որ անսպասելի որոշում էր։ Ինչպես մենք նշել ենք՝ բոլոր դեպքերում ունենք համապատասխան գործողությունների պլան»,- ԱԺ-ում լրագրողների հետ ճեպազրույցում պարզաբանեց «Ուժեղ Հայաստան» խմբակցության պատգամավոր Տիգրան Աբրահամյանը՝ անդրադառնալով այն փաստին, որ ՔՊ-ն դեմ քվեարկեց իրենց խմբակցության առաջադրած՝ ԱԺ 3 մշտական հանձնաժողովների նախագահների թեկնածուներին։
Հարցին՝ նոր թեկնածուներ առաջադրելով՝ պայմանական ասած՝ իշխանության խաղի մաս չե՞ք դառնում, պատգամավորը պատասխանեց․ «Մեր խմբակցությունում բազմաթիվ թեկնածուներ կան, որոնք ունեն համապատասխան մասնագիտական ու աշխատանքային փորձ։ Կոչ ենք անում և հորդորում բոլոր ոլորտներում բոլոր թեկնածուներին չափել իրենց մասնագիտական գիտելիքներով ու ճանապարհով, այլ ոչ թե այլ չափանիշներով»։
Լրագրողները հետաքրքրվեցին՝ քանի որ հայտնի է՝ «Ուժեղ Հայաստանը» Ֆինանսավարկային և բյուջետային մշտական հանձնաժողովի նախագահի թեկնածու է առաջադրել Լիանա Մանուկյանին, մյուս երկու հանձնաժողովների նախագահների թեկնածուների անունները հայտնի՞ են, Տիգրան Աբրահամյանը պատասխանեց․ «Որոշ թեկնածուներ ունենք, այս փուլում չենք ցանկանում հայտնել»։
ԱԺ նիստն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
