«Ինչ վերաբերում է բանակում գրանցված դեպքերին, հիշեցնեմ, որ նախորդ շաբաթ վարչապետի որոշմամբ ձևավորվել է աշխատանքային խումբ, որում նաև ես եմ ներառված: Այդ աշխատանքային խումբը պետք է մի կողմից վերլուծի գրանցված դեպքերի պատճառները, մյուս կողմից առաջարկի լուծումներ, որոնք թե կարճաժամկետ, թե երկարաժամկետ կտրվածքով կլինեն և հնարավորություն կտան կանխարգելել նման մտահոգիչ երևույթները»,- ասուլիսում նշեց ՀՀ կրթության, գիտության, մշակույթի և սպորտի նախարար Ժաննա Անդրեասյանը:
«Մենք արդեն առաջին նիստն ենք գումարել այս աշխատանքային խմբով: Իհարկե, ունեցել ենք մանրամասն խոսակցություն, թե ինչպես պետք է ավելի լավ համադրված աշխատենք և ինչպես ավելի լավ օգտագործենք տարբեր օղակներում եղած ռեսուրսները. օրինակ, ինչ դեր ունեն դպրոցական հոգեբանները՝ բոլոր հարցերը ժամանակին ամրագրելու և ճիշտ պրոֆիլը հետագայում զինծառայության գնացող տղաների մասին բանակին փոխանցելու մասով»,- ասաց նա:
Ասուլիսն ամբողջությամբ՝
Կարդացեք նաև
Գոհար ՀԱԿՈԲՅԱՆ
