Այսօր կեսօրից հետո Ամիրյան փողոցում slaq.am լրատվական կայքի տնօրեն Մենուա Հարությունյանի եւ «Վճարում ենք 100 դրամ» նախաձեռնության երեք ակտիվիստների միջեւ ծեծկռտուք է եղել:
Միջադեպի մասնակից, ակտիվիստ Հովհաննես Ղազարյանը Aravot.am- ին պատմեց, որ ծեծկռտուքը սկսվել է իր արտահայտության պատճառով.
«Ընկերներով քայլում էինք, պատահաբար տեսանք Մենուային: Ես բարձրաձայն ասացի՝ էս Մենուան ինչ կովի տղա ա, դրանից հետո վիճաբանություն սկսվեց: Մենուա Հարությունյանն ու իր ընկերները՝ մոտ 12 հոգի, հարձակվեցին մեզ վրա ու սկսեցին ոտքով հարվածել»,- պատմեց ակտիվիստը: Նրա ընկերներից Արծրուն Գեւորգյանը, որը միջամտել է, որ վիճաբանությունը հարթի, նույնպես ընկել է ծեծկռտուքի մեջ:
Ակտիվիստի խոսքերով, դեպքի վայր են ժամանել ոստիկանները և բոլորին ոստիկանական բաժանմունք տարել. «Մենուա Հարությունյանը ոստիկանական բաժանմունքում հայտարարեց, թե ես սեռական բնույթի հայհոյանք եմ հասցրել իրեն: Վերջնական պարզաբանումներից հետո ոստիկանները ինձ առաջարկեցին բողոք ներկայացնել դատարան մարմնական վնասվածքներ հասցնելու և վիրավորելու համար, բայց ես հրաժարվեցի, այսինքն` դուրս եկավ, որ ես ոչ մի սխալ բան չեմ արել: Մենուա Հարությունյանը նույնպես հրաժարվել է բողոք գրելուց»:
Կարդացեք նաև
Ոստիկանության կենտրոնի բաժանմունքից դեպքի մասնակիցներին ազատ են արձակել երկու ժամ հետո: Հովհաննես Ղազարյանի պատմելով, իրենցից ոչ ոք լուրջ վնասվածք չի ստացել:
Արփինե ՍԻՄՈՆՅԱՆ
Փաստորեն սկզբում ակտիվիստը չի սխալվել, ակտիվիստը ճիշտ է ասել…..
Դե ոստիկանության գործողություններից տենց էլ հետևում է::)
Փաստորեն ոստիկանները ընդունել են, որ էդ մարդը միանգամայն ճիշտ բան ա ասել
Երևի մինչև 16 տարեկաններ են այնտեղ եղել, դրա համար ակտիվիստն այդքան փափուկ է արտահայտվել
Իսկ երբ Սուրիկ Խաչատրյանը Սյունիքի մարզպետ օրերին ծեծում էր գործարար, Մենուայի հորաքույր Սիլվա Համբարձումյանին` ուր էին «Մենուան եւ իր ջոկատը»….Անգամ ձեւի համար ՀՀԿ-ական Մենուան ՀՀԿ-ում չփորձեց քննարկել ՀՀԿ-ական Սուրիկ Խաչատրյանի հարցը….