Կասկադ համալիրից քիչ առաջ մեկնարկեց «Միանում եմ պահանջին» նախաձեռնության երթը: Այժմ նախաձեռնության անդամները շարժվում են «Մենք ենք տերը մեր երկրի», «Պահանջում ենք Պերմյակովին հանձնել ՀՀ-ին», «Գյումրի դու մենակ չես», «Մեր պահանջն արդար է» պաստառներով:
Նախաձեռնության անդամներն իրենց երթով կոչ են անում ռուսական կողմին իրականացնել Հայաստանի Հանրապետության հետ կնքած միջպետական իրավական ակտերի պարտավորությունները եւ Գյումրիում Ավետիսյանների ընտանիքի սպանության մեղադրյալին փոխանցել ՀՀ իրավապահներին:
Կարդացեք նաև
Երթի մասնակիցները կշարժվեն Կորյուն, Աբովյան, Թումանյան փողոցներով դեպի Ազատության հրապարակ: Մինչ երթի սկսվելը նախաձեռնության անդամ Գոռ Առաքելյանը դիմեց երթի մասնակիցներին, որպեսզի նրանք սադրանքների չտրվեն, իսկ ոստիկաններին խորհուրդ տվեց ապահովել խաղաղ հավաքի անցկացման իրենց իրավունքը:
Նախաձեռնության մեկ այլ անդամ՝ Նարեկ Այվազյանը լրագրողների հետ զրույցում նշեց, որ հայ ազգը ոչ միայն պետք է սգա, այլ նաեւ պայքարի:
Մանրամասները՝ տեսանյութում:
Ամի ՉԻՉԱԿՅԱՆ
Ի՞նչու ՀՀ իրավապահ մարմինները անմիջապես չեն ձերբակալում մեղադրյալին,որը ռուսական բազայի կողմից առևանգվել և ապօրինաբա՛ր թաքցվել է այնտեղ: Սա՛ է ՀՀ օրենքը. այն շատ հստակ է:
Ի՞նչու ՀՀ իրավապահ մարմինները քրեական գործեր դեռ չեն հարուցել ռուսական բազայի դեմ՝ ՀՀ օրենքը կոպտորեն խախտելու համար:
Որտե՞ղ է ՀՀ ԱԳ նախարարի բողոքի նոտան Ռուսաստանին՝ երկկողմանի միջազգային պայմանագիրը խախտելու համար:
Ի՞նչու ՀՀ գլխավոր դատախազը դեռ պաշտոնին է: