ՌԴ ԱԳՆ պաշտոնական ներկայացուցիչ Մ. Վ. Զախարովայի պատասխանը ԶԼՄ-ների հարցին՝ Ա. Ռ. Սիմոնյանի որոշ հայտարարությունների վերաբերյալ
Հարց․ Օրերս Հայաստանի Անվտանգության խորհրդի քարտուղար Ալեն Սիմոնյանը «Дождь» հեռուստաալիքին տված հարցազրույցում հայտարարել է, որ Հայաստանը պատրաստ է ընդունել «Ռուսաստանի քաղաքացիների նոր ալիք, ովքեր ցանկանում են խուսափել ռազմաճակատ ուղարկվելուց»։ Ինչպե՞ս կարող եք մեկնաբանել այս հայտարարությունը։
Պատասխան․ Իհարկե, մենք ուշադրություն ենք դարձրել Ա. Ռ. Սիմոնյանի հարցազրույցին, որը վերջերս նշանակվել է Հայաստանի Անվտանգության խորհրդի քարտուղարի պաշտոնում և հարցազրույց է տվել Ռուսաստանին բացահայտ թշնամաբար տրամադրված լրատվամիջոցին։ Ազգային ժողովի նախագահ եղած ժամանակ նա պարբերաբար հանդես էր գալիս ոչ միանշանակ հայտարարություններով, այդ թվում՝ ռուս-հայկական հարաբերությունների թեմայով։
Այս անգամ, «օտարերկրյա գործակալ» լրագրողի հետ ուղիղ եթերում նա ենթարկվել է միտումնավոր սադրիչ ձևակերպմամբ հարցի ազդեցությանը, որի արդյունքում ներքաշվել է Ուկրաինայի խունտայի և նրա արևմտյան հովանավորների կողմից ներշնչվող շահարկումների մեջ՝ մեր երկրում իբր հնարավոր զորահավաքի վերաբերյալ։ Այդ հնարավոր զորահավաքի մասին տեղեկությունները Ռուսաստանում պաշտոնատար անձինք բազմիցս հերքել են։
Կարդացեք նաև
Ցավով արձանագրում ենք, որ պաշտոնական Երևանի ներկայացուցիչների կողմից Մոսկվայի հետ երկկողմ համագործակցությունը խաթարող հրապարակային հայտարարությունների տարածման միտումը շարունակվում է։ Ա. Ռ. Սիմոնյանի հայտարարությունները համարում ենք սադրիչ։ Իրենց էությամբ դրանք խրախուսում են Ռուսաստանի քաղաքացիներին անօրինական գործողությունների դիմել և ավանդական հայկական հյուրընկալությանը հաղորդում են թունավոր քաղաքական երանգ։
Ա. Ռ. Սիմոնյանի այս մեկնաբանություններում, որը 2026 թվականի փետրվարին Ռուսաստան կատարած այցի ընթացքում շատ էր խոսում ռուս-հայկական կապերի զարգացման կարևորության, այդ թվում՝ Հայաստանի համար դրա նշանակության մասին, տեսնում ենք ևս մեկ վկայություն այն բանի, որ հանրապետության իշխանությունները ձգտում են հաճոյանալ Արևմուտքին և Կիևի վարչակարգին։
ՌԴ ԱԳՆ
