Այսօր Բանակի օրվա կապակցությամբ Եռաբլուրի պանթեոն էին եկել իշխանության ներկայացուցիչները՝ նախագահ Սերժ Սարգսյանի գլխավորությամբ:
ՀՀ ոստիկանապետ Վլադիմիրի Գասպարյանը լրագրողների հետ զրույցում շնորհավորեց Բանակի տոնի կապակցությամբ եւ ասաց, որ 24 տարեկանը շատ լուրջ տարիք է եւ մաղթեց՝ խաղաղության մեջ ապրեք:
Վլադիմիր Գասպարյանին ջանով, ղուրբանով մոտեցավ մի տարեց կին՝ հորդորելով լրագրողներին այսօր ոչ մի վատ բանի մասին չխոսել, չհարցնել. «Էսօր շնորհավորում ենք բանակի օրը, մեր տղաների օրը;
Էսօր ես ծաղիկներ եմ նվեր ստացել, ծաղիկները տանում եմ դնեմ էն տղաներին, որոնց մայրերը չկա, ու խնդրում եմ աշխարհի բոլոր մայրերին, հարազատներին՝ երանի էն մայրերին, որ իրենց զավակներից շուտ են մահացել»:
Կարդացեք նաև
Երբ լրագրողները փորձեցին ոստիկանության հետ կապված խնդիրներ արծարծել ու պատասխաններ ստանալ, հետաքրքրվեցին ճանապարհային ոստիկանությունից՝ Վլադիմիր Գասպարյանն արձագանքեց. «Պրիմիտիվ եք»:
Ավելի ուշ միանալով ԱԺ նախագահ Գալուստ Սահակյանին, ԱԱԾ պետ Գորիկ Հակոբյանին, սկսեց բողոքել լրագրողներից, որ շատ ագրեսիվ են. «Այսօր մեր լրատվությունը ագրեսիվ է շատ, այստեղ ագրեսիայի որոշակի դրսեւորումներ տեսել եմ, իսկ դո՞ւրսը»,- այս հարցը նա ուղղեց ոստիկանության հասարակայնության հետ կապերի եւ լրատվության վարչության պետ Աշոտ Ահարոնյանին: Թե ինչ նկատի ուներ ոստիկանապետը ներս ու դուրս ասելով՝ պարզ չէր:
Հռիփսիմե ՋԵԲԵՋՅԱՆ
Նման բառամթերքով խօսիլը լրագրողներու հետ անվայել է քաղաքակիրթ երկրի մը ոստիկանապետին ./