Բելառուսի խորհրդարանը առաջին ընթերցմամբ ընդունել է այդ երկրի պաշտպանական ու ռազմական համակարգի նոր հայեցակարգը։ Այս մասին տեղեկացնում է defensenews կայքը։
Բելառուսի խորհրդարանի ընդունած հայեցակարգի համաձայն՝ այդ երկրի Զինված ուժերին արգելվում է մասնակցել ռազմական որևէ գործողության՝ Բելառուսի սահմաններից դուրս։
Նախագահ Լուկաշենկոն մեկնաբանել է այս որոշումը. «Մեր ռազմական հայեցակարգը ամբողջովին պաշտպանական է։ Մենք երբևէ չենք պատերազմի ուրիշին պատկանող այլ տարածքում, որովհետև մենք ընդունել ենք ռազմական պաշտպանական հայեցակարգ»։
Հիշեցնենք, որ Բելառուսը Հայաստանի Հանրապետության հետ միասին ընդգրկված է ՀԱՊԿ-ում։
