Լրահոս
Օրվա լրահոսը

Պետական համալսարան Շիրակի մարզում․ ըստ ՀՀԿ-ական ռեկտորի, սա նախագահի նվերն է (Տեսանյութ)

Դեկտեմբեր 05,2016 22:15

Գյումրու Միքայել Նալբանդյանի անվան պետական մանկավարժական ինստիտուտը դեկտեմբերի 2-ից նոր կարգավիճակ է ստացել։ ՀՀ կառավարությունը դեռևս սեպտեմբերի 22-ին որոշել  էր  «Գյումրու Մ. Նալբանդյանի անվան պետական մանկավարժական ինստիտուտ» ՊՈԱԿ-ը վերակազմավորել  «Շիրակի Մ. Նալբանդյանի անվան պետական համալսարան» հիմնադրամի, իսկ երեք օր առաջ այս անվանումը պետական գրանցում է ստացել։

15390696_616838095155793_1822010135953638064_n

Համալսարանի ռեկտորի պաշտոնակատար Սահակ Մինասյանն այսօր խոսելով ծրագրերի մասին, նշել է, որ 9 նոր մասնագիտություններ կբացվեն համալսարանում՝ սոցիոլոգիա, մշակութային հաղորդակցություն՝ ֆրանսերեն-հայերեն և գերմաներեն-հայերեն լեզուներով, քաղաքագիտություն, հաշվապահական հաշվառում և հարկում, շուկայագիտություն, զբոսաշրջություն,  համակարգչային գրաֆիկա, դիզայն, իրավագիտություն, ինչպես նաև  երաժշտական կրթություն, որ ի դեպ, նախկինում գործել է այս նույն բուհում։Համալսարանը  շուտով կունենա նաև սեփական հյուրատունը, որտեղ կհյուրընկալվեն դրսից հրավիրված մասնագետներ։

Ըստ ՀՀԿ Շիրակի մարզային կառույցի ղեկավար Սահակ Մինասյանի` սա կառավարության ու նախագահի նվերն էր Շիրակի մարզի ազգաբնակչությանը ՀՀ անկախության 25- ամյակի կապակցությամբ:

Նշենք, սակայն, որ Հայաստանում առաջին համալսարանը  բացվել է  հենց Ալեքսանդրապոլի առևտրային ուսումնարանի շենքում, այսինքն` հենց այնտեղ, որտեղ մինչև երկրաշարժը գործել է Գյումրու մանկավարժականը։ Իսկ այժմ այն բուհի կողմից ժամանակավորապես հանձնված է Գյումրու տեխնոպարկին։

Մանրամասները՝ տեսանյութում

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2016
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031