Լրահոս
Օրվա լրահոսը

Զարուհի Փոստանջյանը խոստանում է քանդել «գործակալական ցանցը»

Հուլիս 27,2017 13:21

«Քաղաքական դաշտում մենք գործընկերներ չունենք, մեր գործընկերները հանրության ընդդիմադիր հատվածը ներկայացնող քաղաքացիներն են»,- այսօր հրավիրված մամուլի ասուլիսում նման հայտարարություն արեց «Երկիր ծիրանի» կուսակցության նախագահ եւ Երեւանի ավագանու համանուն խմբակցության նախագահ Զարուհի Փոստանջյանը: Նա պատասխանում էր լրագրողներից մեկի այն դիտարկմանը, որ քաղաքական դաշտում ընդդիմադիր գործընկերները Զարուհի Փոստանջյանին կոչ են անում դադարեցնել վհուկների որսը:

Հիշեցնենք՝ երեկ նման կոչով հանդես էր եկել «Ելք» դաշինքի ներկայացուցիչ Ալեն Սիմոնյանը՝ հերթական անգամ պատասխանելով Զարուհի Փոստանջյանի այն հայտարարությանը, որ «Ելքը» իշխանության սպասավորն է:

Զարուհի Փոստանջյանն այսօր էլ կրկնեց. «Իրենց բոլորին ճանաչում ենք այս համակարգի սպասարկու»:

Զարուհի Փոստանջյանի համար կապ չունի՝ այդ քաղաքական միավորը «Ելք» է կոչվում, ՀՀԿ, թե մեկ այլ անվանում ունի. «Եթե քվեարկում են ինչպես Սերժ Սարգսյանի ցանկությունն է, ուրեմն նրա սպասարկուն են»:

«Ելքի» քվեարկությունները կամ «Ելքի» ղեկավարների նախորդ գումարման խորհրդարանում կատարած քվեարկությունները, ըստ Զարուհի Փոստանջյանի՝ բխել են Սերժ Սարգսյանի ցանկություններից:

Զարուհի Փոստանջյանը խոստանում է «Երկիր ծիրանիի» եւ Հայաստանի Հանրապետության ակտիվ ընդդիմադիր քաղաքացիների հետ քանդել այդ «գործակալական ցանցը»:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2017
Երկ Երե Չոր Հնգ Ուրբ Շաբ Կիր
« Հուն   Օգո »
 12
3456789
10111213141516
17181920212223
24252627282930
31