Վայր ընկնելուց հետո Վահան Շիրխանյանն ի վիճակի չեղավ դատական նիստին մասնակցել

Կենտրոն եւ Նորք-Մարաշ վարչական շրջանների ընդհանուր իրավասության դատարանը այսօր որոշեց հետաձգել Նորք-Մարաշում վնասազերծված «Զինված խմբի» գործով դատական նիստը:

30 րոպե ընդմիջում հայտարարելուց հետո ՊՆ նախկին փոխնախարար, այս գործով ամբաստանյալ Վահան Շիրխանյանի համար դատարան եկած շտապօգնության աշխատակիցները դատարանին հայտնեցին, որ Շիրխանյանը ի վիճակի չէ մասնակցել նիստին՝ ընկնելու հետեւանքով առաջացած սուր ցավերի պատճառով: Բժիշկները դատարանին նաեւ հայտնեցին, որ Շիրխանյանը հետազոտության կարիք ունի:

Հիշեցնենք, որ այսօր դատական նիստը դատարանի որոշմամբ 30 րոպեով ընդմիջվել էր՝ Վահան Շիրխանյան համար շտապօգնություն հրավիրելու պատճառով: Պարոն Շիրխանյանն այսօր դատարանում հայտնել էր, որ Դատապարտյալների հիվանդանոցից իրեն սայլակով դատարան բերելիս աստիճանների վրա երկու անգամ վայր են գցել:

Արփինե ՍԻՄՈՆՅԱՆ