«ԳԱԱ շենքը տաճար է, ո՞վ է տեսել եկեղեցին վաճառվի»

«ԳԱԱ շենքը տաճար է,  ո՞վ է տեսել եկեղեցին վաճառվի»

Արձագանքելով ԲՀԿ-ական պատգամավոր Սերգեյ Բագրատյանի այն հայտարարությանը, թե կարծիք կա, որ Գիտությունների ակադեմիայի շենքը վաճառվելու է ու հյուրանոց է դառնալու, ԳԱԱ նախագահ Ռադիկ Մարտիրոսյանը «Առավոտի» հետ զրույցում ասաց. «Այն մարդը, որը նման հայտարարություն է անում, չգիտի՝ ինչ է գիտությունը, ինչ է Գիտությունների ակադեմիայի շենքը:

Գիտությունների ակադեմիայի շենքը գիտության տաճար է, եկեղեցի: Ո՞վ է տեսել եկեղեցին վաճառվի»: Նա զայրացած հավելեց. «Այս շենքը պետության կողմից հատուկ կառուցված է ԳԱԱ նախագահության համար, այս շենքի ներսում ամեն ինչ սրբություն է` սկսած միջնադարից մինչեւ այսօրվա գիտության ակնառու ներկայացուցիչների դիմանկարներն են, դիմաքանդակները, անունները… Այնպես որ, սա ոչ հյուրանոց կարող է լինել, ոչ էլ մեկ այլ բան: Գաղափարն այն է, որ սա հոգեւոր կենտրոն է: Այնպես որ, Ակադեմիայի շենքը ենթակա չի վաճառքի, այն ժողովուրդը, որը թույլ կտա, որ իր Գիտությունների ակադեմիայի շենքը վաճառվի, արժանի չէ տարրական հարգանքի»:

 

ԳՈՀԱՐ ՀԱԿՈԲՅԱՆ

«Առավոտ»

08.11.2017

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք