«Դա ակնհայտ սուտ է, ապատեղեկատվություն, զառանցանք: Ես, իմ ընտանիքի անդամները, մերձավոր ազգականները`Հայաստանի հանրապետության սահմաններից դուրս ոչ միայն կղզի, ոչ միայն որեւէ անշարժ գույք, այլ նույնիսկ կատու չունենք»,- Aravot.am-ի հետ զրույցում ասաց ԱԺ փոխնախագահ, ՀՀԿ խմբակցության պատգամավոր Էդուարդ Շարմազանովը:
Հիշեցնենք, մամուլում եւ համացանցում տեղեկություններ են շրջանառվում, որ օրեր առաջ հունական անվանի անշարժ գույքի «Իլեպոս» գործակալությունը, որը հիմնականում սպասարկում է մեծահարուստների անշարժ գույքի առք եւ վաճառքը, Հունաստանում, վաճառքի է հանել Հունական ծովում գտնվող սքանչելի կղզիներից մեկը։
Ըստ «Պրիմոս» ամսագրի տվյալների կղզին պատկանում է ոմն հայ գործարարի։ Հայկական լրատվամիջոցները գրել են, որ իրենց տեղեկություններով այդ կղզին պատկանում է ԱԺ փոխնախագահ Էդուարդ Շարմազանովի աներորդուն։
Էդուարդ Շարմազանովը նաեւ տեղեկացրեց, որ ինքն աներորդի չունի:
Նելլի ԳՐԻԳՈՐՅԱՆ
Ես Քոչարյանի պահով էի վաղուց լսել որ Հունաստան կղզի է գնել
Artour, արարկայական ըլլալու համար պէտք է եսել որ գոնէ ես “հաստատ” գիտեմ որ Քոչարեանը, տարիներ առաջ, առանձնատուն մը սարքել տուած է յունական կղզիի մը մէջ որուն ճարտարապէտը իմ յունահայ մօտիկ ծանօթիս բարեկամն է:
Իսկ կղզի ունենալը բոլորին համար չէ, առաւել եւս եթէ կատելի է ըսել Շարմազանովին:
Երբեմն սուտն ու բամբասանքը այնքան մեծ կ’ըլլան որ ծիծաղելի կը դառնան:
Բայց ինչպէս որ ժամանակին իմաստուն մը ըսեր էր՝ “բամբասանքը կը ղեկաւարէ աշխարհը”: