Այսպես պատասխանեց Ստեփան Զաքարյանը մեր այն հարցին, թե արդյոք պատրաստվո՞ւմ է ստանձնել Երեւանի քաղաքապետի խորհրդականի պաշտոնը։ Երեկ նրան հեռացրել են Երեւանի մշակույթի վարչության պետի պաշտոնից, այն «փոխանցելով» Արա Երնջակյանին։ Իսկ Ստեփան Զաքարյանը հրաժարվելու է քաղաքապետին խորհուրդներ տալու վեհ առաքելությունից, քանի որ վստահ է, թե քաղաքապետը չի կարող դրանք կատարել. «Ասենք, չի կարող աշխատանքից ազատել եւ պատասխանատվության ենթարկել վարչապետին եւ կոնյակի գործարքի այլ պատասխանատուներին»։
5-ՐԴՆ՝ ԻՐ ՈԼՈՐՏՈՒՄ
Ինչպես «Առավոտին» հաջողվեց պարզել արհեստավարժ աղբյուրներից, ֆրանսիական «Պեռնո Ռիկար» ֆիրման 5-րդն է աշխարհի ոչ բոլոր ձեռնարկությունների ցուցակում, այլ ընդամենը՝ թունդ ալկոհոլային խմիչքներ արտադրող եւ վաճառող ֆիրմաների թվում։ Ի դեպ, Երեւանի կոնյակի գործարանը արտադրության է պատրաստում «Նոյյան տապան» անունով նոր կոնյակը, որի մեկ շիշը կարժենա 800 դոլար եւ կունենա 70 տարվա հնություն։
ՆԱԽԸՆՏՐՈՒՄ ԵՆՔ ԱՆՎՏԱՆԳ ՍԵՔՍԸ
Կարդացեք նաև
Սփյուռքահայ այն ուսանողները, որոնք ցանկություն կհայտնեն սովորել Հայաստանի բուհերի ասպիրանտուրաներում եւ մագիստրատուրաներում, այլ փաստաթղթերի թվում, տվյալ երկրի հյուպատոսարան պիտի ներկայացնեն նաեւ բժշկական տեղեկանք առ այն, որ սպիդով վարակված չեն։
