Եվրոպայի խորհրդի կողմից հրապարակվող «Europa 40+» թերթը հայտնում է, որ դեկտեմբերի 14-ին Փարիզում Խորհրդարանական համաժողովի քաղաքական հարցերի կոմիտեն քննարկելու է ղարաբաղյան հիմնահարցը՝ Հայաստանի եւ Ադրբեջանի պատվիրակությունների մասնակցությամբ։ Հաղորդագրության մեջ ասված է, որ նշված հիմնահարցի լուծումից է մեծ չափով կախված այդ երկրների Եվրոպայի խորհրդին անդամակցելը։
ԱՐԾՐՈՒՆԻՆ ՀՐԱԺԱՐՎԵԼ Է
Վերջին օրերին հաղորդվել էր, թե հանրապետության վարչապետի պաշտոնն առաջարկվել է Խորհրդային Հայաստանի վերջին փոխվարչապետ Վարդգես Արծրունուն։ Հայտնի դարձավ, որ նա հրաժարվել է զբաղեցնել Հայաստանի կառավարության նախագահի պաշտոնը։ Արծրունին Երեւանից Մոսկվա է վերադարձել դեկտեմբերի 9-ին։
3 000 ԴԻՄՈՒՄ ՀԵՐՈՅԱՆԻՆ
Կարդացեք նաև
Ըստ «Առավոտ» հասած լուրերի, Արմավիրի մարզում խոսակցություններ են տարածվել, թե գյուղացիներին անտոկոս վարկ է տրամադրվելու։ Խոսակցությունների հիմքի վրա էլ շուրջ 3 հազար դիմում է գրվել՝ ուղղված մարզպետ Հերոյանին, թե գյուղացիները անտոկոս վարկի կարիք ունեն, մանավանդ խորհրդարանական ընտրություններից առաջ։
ՀԱՅԿԱԿԱՆ ԼՈՒԾՈՒՄ
Ինչպես «Հայլուր» լրատվական ծրագրին հայտնեցին ՀՀ առողջապահության նախարարությունից, Ռուսաստանում Անատոլի Կաշպիրովսկու շոու-ծրագրերն արգելված են։ Սակայն Հայաստանում որոշեցին գնալ ավելի բարդ ճանապարհով. թույլատրել կասկածելի վարկ ունեցող հոգեբույժի հյուրախաղերը Երեւանում, բայց միաժամանակ գործուղել նրա «համերգներին» բժիշկների խմբեր՝ Կաշպիրովսկու զոհերին տեղում օգնություն ցուցաբերելու նպատակով։
