Մարտի 1-ին Արծրուն Մարգարյանի տանը խուզարկություն է կատարվել։
ՌԱՄԿԱՎԱՐՆԵՐՆ ԱՌԱՅԺՄ ՉԵ՞Ն ԲԱՐԻՇԵԼ
Կարդացեք նաև
«Փարիզում, փետրվարի 26-ից սկսված, բանակցությունները ՌԱԿ երկու թեւերի միավորման շուրջ ավարտված չեն եւ շարունակվում են։ Բանակցություններում ՌԱԿ հայաստանյան կառույցի հարցը չի քննարկվել, առավել եւս, չի շոշափվել Ռ. Միրզախանյանի մասնակցությամբ ՀՌԱԿ միավորման խնդիրը՝ այդ հարցի լուծումը համարելով բացառապես Հայաստանի ռամկավարների իրավասությունը»,- «Առավոտին» հայտնեց ՌԱԿ ներկայացուցչության գրասենյակի տնօրեն Վաչագան Գալստյանը։
Ըստ «ռամկավարական հակամարտության» հակադիր կողմի, փարիզյան բանակցություններն, այնուամենայնիվ, ավարտվել են՝ իրենց համար շահեկան փաստաթղթի ընդունմամբ։
ԲԱԶԵՅԱՆԻ ՀԱՄՈԶՄԱՄԲ՝ ՍԻՐԱԴԵՂՅԱՆԸ ՄԵՂԱՎՈՐ Է
Ընտրական օրենսգրքին վերաբերող քննարկումների ժամանակ իր ելույթում ԱԺ փոխխոսնակ Ալբերտ Բազեյանը հայտարարեց տառացիորեն հետեւյալը. «Եղել են նաեւ հանցագործություններ, սպանություններ։ Ձեզանից ո՞վ համոզված չէ, որ Վանո Սիրադեղյանն, իրոք, մեղավոր է։ Մենք բոլորս համոզված ենք, ներքին այդ համոզմունքը կա, բայց հասարակության մեջ փորձել ենք ձեւավորել խաղաղ, հանգիստ միջավայր»։
ԵՎՐԱԽՈՐՀՐԴՈՒՄ՝ ՄԱՐՏԻ 11-ԻՆ
Ինչպես հայտնեց ԱԺ նախագահ Խոսրով Հարությունյանը, մարտի 11-ին Ստրասբուրգում, Եվրոպայի խորհրդի Քաղաքական հանձնաժողովում զեկուցումով հանդես կգա Հայաստանի հարցով զեկուցողը։ Զեկույցը վերաբերելու է 1998 թվականի փետրվարից մինչեւ հիմա ընկած ժամանակաշրջանում տեղի ունեցածին։
