Ընթացող քաղաքական զարգացումները ցավոք ներազդում են նաեւ հասարակական, մշակութային իրադարձությունների վրա: Խնկո-Ապոր անվան հանրապետական մանկական գրադարանի տնօրենի հետագա պաշտոնավարության շուրջ ծավալվող աթոռապաշտական կրքերի արդյունքում, ի վերջո, տուժում են գրադարանի ընթերցողները՝ երեխաները: Մարտի 11-ին Արմենիա հեռուստաընկերության Օրը հաղորդաշարի թողարկումը, ըստ իս, ոչ այլ ինչ էր, քան միտումնավոր խեղաթյուրումների շարք գրադարանի հասցեին :
Մի քանի տվյալ գրադարանի գործունեությունից. 1998 թ. գրադարանի ընթերցողների թիվը կազմել է շուրջ 19 հազար երեխա, յուրաքանչյուր օր գրադարան այցելել է 550-650 ընթերցող՝ արդյունքում գրանցվել է 234627 հաճախում: Փաստն ինքնին խոսուն է եւ հիմք է տալիս ենթադրելու, որ հեռուստաընկերությունն ի սկզբանե չտեսնելու ցանկություն ուներ /վկան՝ նկարահանված տեսաշարից ընթերցող երեխաների 8220մոնտաժումը եւ կատարվող աշխատանքների գրեթե չներկայացնումը/: Ընդ որում, նշեմ նաեւ, որ համեմատությունն անգամ այլ գրադարանների հետ՝ անընդունելի էր։
Կցանկանայի Արմենիա հեռուստաընկերությանը՝ ձեռք բերել անաչառ լրատվամիջոցի կարգավիճակ եւ ոչ թե փաթաթվել կատարողի անբարո պատմուճանով:
Խնկո-Ապոր անվան հանրապետական մանկական գրադարանի փոխտնօրեն՝
Կարդացեք նաև
Մ. ՀՈՎՍԵՓՅԱՆ
