«Առաջին անգամ ձեզնից եմ լսում, երեւի հետո են սարքել»,- ասաց ՀՅԴ Բյուրոյի անդամ Մասիս Բաղդասարյանը, երբ «Առավոտը» հետաքրքրվեց, թե արդյոք իրոք Սյունիքի մարզի թիվ 71 ընտրատարածքում իր քարոզչությունը հայտնի երգի վերափոխված տարբերակով են իրականացրել։ Չնայած հերքմանը՝ նկատի առնելով վերափոխման հումորը եւ գեղարվեստական արժեքը՝ այնուամենայնիվ, հրապարակում ենք այն։ 1999 թվականի չքնաղ մայիսին մենք պետք է ընտրենք ընկեր Մասիսին։
ՎԱՏ ԼՈՒՐ
Հարկային տեսչությունը անմիջապես ընտրություններից հետո, անցկացված ազգային հեռուստատեսությունում, ստուգումների արդյունքում հայտնաբերել է չմուտքագրված գումարներ եւ պակասորդներ։ Ըմբռնումով չեն մոտեցել հեռուստատեսության ղեկավարների առաջարկին՝ պակասորդը վերականգնելու վերաբերյալ եւ ստուգումները շարունակվում են։ Ցավոք, նման խնդիրներն առաջանում են հենց ընտրություններից հետո (նախագահական կամ խորհրդարանական), ինչը թույլ է տալիս ենթադրելու, որ պատճառները ոչ այնքան իրավական են, որքան կադրային- քաղաքական։
