Ռոբերտ Քոչարյանի հրավերով երեկ նրա հետ պիտի հանդիպեին Կարեն Դեմիրճյանի որդիները։ Սակայն երբ անցագրայինում տեղադրված մետաղորսիչի միջով Ստեփան Դեմիրճյանի անցնելիս այն զնգացել է եւ նրան առաջարկել են դատարկել գրպանները՝ չի համաձայնել, վիրավորվել է եւ հեռացել։
ՍԱՀՄԱՆԱԴՐԱԿԱՆ ՃԳՆԱԺԱՄ ՉԿԱ
Ազգային ժողովի նախկին փոխխոսնակ Կարապետ Ռուբինյանն անդրադառնալով նախագահի եւ վարչապետի կառավարության կազմի վերաբերյալ անհամաձայնություններին, ասաց, որ տվյալ դեպքում սահմանադրական ճգնաժամ գոյություն չունի։ Կամ նախագահն ընդունում է, որ վարչապետը խորհրդարանական մեծամասնության ներկայացուցիչն է եւ հաշվի է նստում նրա առաջարկությունների հետ, կամ էլ դադարեցնում է կառավարության ձեւավորումը՝ ներկայացնելով վարչապետի նոր թեկնածու, հույսով, որ վերջինս կստանա խորհրդարանական մեծամասնության աջակցությունը։
Կարդացեք նաև
ԱՆՓՈԽԱՐԻՆԵԼԻ ՀՈՎՀԱՆՆԻՍՅԱՆԸ
Հովհաննես Հովհաննիսյանի ԱԺ արտաքին հարաբերությունների հանձնաժողովի նախագահ դառնալուց հետո որոշակի բանավեճ է ծավալվել, թե ով պետք է ստանձնի «Կայունություն» խմբի նախագահի պաշտոնը։ Ըստ երեւույթին դեռեւս համաձայնությունները կայացված չեն, ուստի Հովհաննես Հովհաննիսյանը կշարունակի գլխավորել «Կայունություն» խումբը։
ՎԱՐՈՐԴԸ ՀԱՅՏՆԻ Է
Ըստ «Ազատություն» ռ/կ-ի հաղորդման, պարզվել է նաեւ Նաիրի Հունանյանի խմբին սպասարկած «ՌԱՖ» մակնիշի ավտոմեքենայի վարորդի ինքնությունը։ Նրա անունն է Աշոտ Կնյազյան։
