Լրատվամիջոցների աշխատակիցներն էլ են սկսել դատարան դիմել իրենց իրավունքների ոտնահարման փաստերի դեմ բողոքելով։ Այսպես, «Այգ» հեռուստաընկերության ծրագրերի նախկին տնօրեն Ջուլիետա Ներսիսյանը Կենտրոն համայնքի առաջին ատյանի դատարան է դիմել՝ նշելով, թե 1999-ի հոկտեմբերի 1-ին իրեն բանավոր հրամանով ազատել են աշխատանքից եւ ոչ նախորդ 4 ամսվա աշխատավարձն են վճարել, ոչ էլ աշխատանքից ազատվելու գրավոր հրաման տրամադրել։ Ջուլիետա Ներսիսյանն այժմ դատարանի միջոցով փորձում է պարտավորեցնել «Այգի» տնօրենին՝ պաշտպանել իր սահմանադրական եւ «Քաղաքացիների դիմում-գանգատների քննարկման մասին» օրենքով նախատեսված իրավունքները։
ՎԱՏ ԼՈՒՐ
Զինվորական դատախազության քննչական բաժնի պետ Արտակ Հարությունյանը նախաքննության մարմնի նկատմամբ վերահսկողություն սահմանելու, ձերբակալման եւ կալանավորման հիմքերին ծանոթացնելու կոչերի առնչությամբ «Ազատություն» ռ/կ-ին ասել է. «Քրեադատավարության օրենսգրքում կա համապատասխան դրույթ՝ նախաքննության տվյալների հրապարակման անթույլատրելիությունը»։
