Ցանկացած ընտրություն այս պահին, ըստ ԱԺՄ վարչության անդամ, պատգամավոր Դավիթ Վարդանյանի, նույնն է, եթե բռնաբարված կնոջը նորից բռնաբարես. «եւ այդ ցավի զգացողությունը երկար մնում է հիշողության մեջ»։ Դավիթ Վարդանյանը ելքը տեսնում է ոչ թե նոր ընտրության մեջ, այլ՝ «մի ռոմանտիկ, ոչ իրական բանի մեջ, այն է, որ այս երկրի ղեկավարները՝ նախագահ, վարչապետ, ընդդիմություն, ի մի գան եւ ինչ-որ շրջանակներում ինչ-որ բան ստորագրեն դեկլարացիայի տիպի, որ այդ շրջանակներում կատարվի եւ այդ շրջանակներից դուրս ցանկացած քայլ բոլորի կողմից դիտվի որպես դատապարտելի արարք, անկախ նրանից, թե դա ով է կատարել»։
Դավիթ Վարդանյանի հետ Մարգարիտ Եսայանի հարցազրույցը՝ մեր վաղվա համարում։
ՍՊԱՆՈՒԹՅԱՆ ՀՐԱՄԱՆ ՉԻ ՍՏԱՑԵԼ
Կարդացեք նաև
Երեկվա դատական նիստում ՆԶ նախկին հրամանատար Վահան Հարությունյանը հայտարարեց, որ Վանո Սիրադեղյանը սպանություններ չի պատվիրել, ոչ էլ հանձնարարել է։ Սա, ըստ էության, Վահան Հարությունյանի՝ նախաքննության փուլում տված ցուցմունքի (22.06.98 թ.) ուղղակի հաստատումն է, որտեղ մասնավորապես նշված է, որ ինքն է տվել Արթուր Հովհաննիսյանի ու Կարեն Ռաֆայելյանի գնդակահարության հրամանը։ Ի դեպ, հիշյալ ցուցմունքից շատ ավելի ուշ է շրջանառության մեջ դրվել նաեւ Վահան Հարությունյանի երեկվա այն պնդումը, թե իբր Վանո Սիրադեղյանն իրեն ասել է. «Որոշված է, որ այդ տղաները պետք է գնդակահարվեն»։ Մնում է ենթադրել, թե քննչական մեկուսարանում երբ եւ ինչպես կարող էր ծնվել հիշյալ սպանությունների մեջ Վանո Սիրադեղյանին մեղսակից դարձնելու վարկածը։
Կարդացեք էջ 3։
ԱՄԵՆ ԻՆՉ ԴԵՌ ԱՌՋԵՎՈՒՄ Է
Երեկ քաղաքաշինական խորհուրդը՝ քաղաքապետարանի անվանակոչության հանձնաժողովի մասնակցությամբ, որոշում ընդունեց՝ ո՛ր փողոցները անվանակոչել Կարեն Դեմիրճյանի եւ Վազգեն Սարգսյանի անուններով։
Մանրամասները՝ էջ 4։
