Վահան Հովհաննիսյանը մամուլում հանդես եկավ «Պապլավոկում» իր կրակելու պատմության վերաբերյալ արդեն 4-րդ, թե 5-րդ վարկածով։ Նախնական՝ լիակատար ժխտումից հետո այժմ արդեն Վահան Հովհաննիսյանը խոստովանեց. «Ճշմարտությունը (թե իրականում ինչ է կատարվել այնտեղ) իսկական կոմեդիա է, մանրամասները չեմ պատմելու։ Դրանք ինձ առնչվում են (առաջին անգամ եմ խոսում այս մասին) միայն անուղղակի»։
Եզրակացնենք, որ ուրեմն Վահան Հովհաննիսյանն անուղղակի էր կրակել։ Մնում է պարզել. լավ կոմեդիա՞ է, թե՞ չեխովյան տրագիկոմեդիա, որ եթե Վահան Հովհաննիսյանի գոտկատեղից ատրճանակ է կախված, այն անպայման ինչ-որ պահի պիտի կրակի։
ՎԱՏ ԼՈՒՐ
Կարդացեք նաև
Գագիկ Թադեւոսյանն «Ազատություն» ռ/կ-ին հայտնել է, որ շտապօգնության աշխատակիցները 6-7 ամիս առաջ են աշխատավարձ ստացել։ Իսկ երբ թղթակիցը հիշեցրել է, որ ԱԺ պատգամավորները ստացել են ե՛ւ իրենց դեկտեմբերի աշխատավարձը, ե՛ւ արձակուրդայինը ու խնդրել է բացատրել, թե ընտրողաբար մոտեցումն ինչո՞վ է պայմանավորված, կոմունիստ պատգամավորն ընդվզել է. «Պարսավանքի նման չհնչի դա էլի՝ ինչի են ստացել»։ Եվ այսպես է արդարացրել ժողովրդի ընտրյալների այս առանձնաշնորհյալ վիճակը. «Գիտեք, որ պատգամավորներն ահավոր սթրեսային վիճակի մեջ էին հոկտեմբերին։ Շատերն իրենց առողջությունը մինչեւ հիմա չեն էլ կարողանում վերականգնել»։
