ԱՄՀ-Ն ԴԵՄ ՉԷ
Վերջին օրերի ընթացքում հայկական մամուլում սխալմամբ նշվել է, որ Արժույթի միջազգային հիմնադրամը (ԱՄՀ) դեմ է Հայաստան-Իրան գազամուղի կառուցմանը։ Հայաստանում ԱՄՀ-ի պաշտոնական ներկայացուցիչ պարոն Գարբիս Իրադյանը հայտնում է, որ ԱՄՀ-ն քաղաքական նպատակներ չհետապնդող միջազգային կազմակերպություն է եւ երբեք ոչ մի դիրքորոշում չի արտահայտել Հայաստան-Իրան գազամուղի կառուցման հարցի շուրջ։
ՉԵՆ ԹՈՂԵԼ ՍՏՈՒԳԵԼ
Կարդացեք նաև
Բելգրադում շարունակվում են դեմոկրատական ընդդիմության նախագահի թեկնածու Վոիսլավ Կոշտունիցայի կողմնակիցների ցույցերը։ Ընդդիմությունը գտնում է, որ Կոշտունիցան արդեն իսկ հաղթել է առաջին իսկ փուլում եւ մեղադրում է Միլոշեւիչի վերահսկողության տակ գտնվող Կենտրոնական ընտրական հանձնաժողովին կեղծիքների մեջ՝ մասնավորապես, Միլոշեւիչին են վերագրվել քվեարկության չմասնակցած Կոսովոյի 140 հազար ընտրողների ձայները։ Հարավսլավիայի ԿԸՀ-ն, որը երկրորդ փուլ է հայտարարել, թույլ չի տվել Կոշտունիցայի ներկայացուցիչներին ստուգել իր փաստաթղթերը։
«ՄՈՒՍԱՖԱԹ»-ԻՆ ԾԵԾԵՑԻՆ
Երեկ Բաքվում տեղի ունեցավ բախում ոստիկանության եւ ընդդիմադիր «Մուսաֆաթ» կուսակցության ակտիվիստների միջեւ։ Այդ կուսակցության մոտ 300 ներկայացուցիչներ ցույց էին կազմակերպել վերաքննիչ դատարանի մոտ, որտեղ քննվում էր կուսակցության բողոքն ընդդեմ ԿԸՀ-ի։ ԿԸՀ-ն, որտեղ 16 հոգուց 14 անդամները ներկայացնում են իշխանությունը, չի գրանցել «Մուսաֆաթ» կուսակցությունը առաջիկա խորհրդարանական ընտրություններում։ Ընդդիմության մոտ 20 կողմնակիցներ ծեծի են ենթարկվել, իսկ պատգամավորության թեկնածու Վագիֆ Սեմիխանովը տարվել է անհայտ ուղղությամբ։
Սեփ. լր.
