ՀՆԴԿԱԿԱՆ ՏԱՐԱԶՆԵՐԻ ՑՈՒՑԱՀԱՆԴԵՍ

Երեկ Հայաստանի ազգային պատկերասրահում ՀՀ մշակույթի նախարարության, Հնդկաստանի դեսպանության նախաձեռնությամբ եւ Նյու Դելիի մշակութային կապերի հնդկական խորհրդի հովանավորությամբ կազմակերպվել էր «Հնդկական տարազները մանրակերտով» խորագիրը կրող ցուցահանդես։

Ներկայացված էին թվով 52 նրբագեղ հագուստներով տիկնիկներ, որոնք բնորոշում էին Հնդկաստանի տարբեր բնակավայրերում բնակվող հնդիկ կանանց եւ տղամարդկանց տարազները, այդ թվում՝ ամուսնության հանդիսավոր արարողության ժամանակ ամենատարբեր շրջաններին եւ կրոններին պատկանող հարսնացուների հանդերձանքը։

Հնդկաստանի բնակչության մոտ 8%-ը կազմող ցեղախմբերը համարվում են երկրի ամենավաղ շրջանի բնակիչները։ Հնդկաստանի տարբեր նահանգներում կան 75 հիմնական ցեղախմբեր, ուստի նրանց տարազները շատ բազմազան եւ գունագեղ են. «Մարդու աչքին զարթոնք են պարգեւում»,- այսպես որակեց Կարպիս Սուրենյանը։

Ցուցահանդեսի բացմանը ներկա էին Հայաստանի առաջին տիկին Բելլա Քոչարյանը, Հայաստանում Հնդկաստանի դեսպանը՝ տիկնոջ հետ, ՀՀ մշակույթի, երիտասարդության հարցերի եւ սպորտի նախարար Ռ. Շառոյանը՝ տիկնոջ հետ եւ բազմաթիվ այլ հյուրեր։

Կարդացեք նաև

Մրցում ենք բոլորս

• 00:00 27.03.2001

ԿԹՈՂԱՐԿՎԻ ՀԵՐԹԱԿԱՆ ԱԼԲՈՄԸ

• 00:00 10.03.2001

«ՄՆՈՒՄ ԷՐ՝ ԲՈՒԴԿԻՑ ԼՈՒՅՍ ՔԱՇԵԻՆՔ»

• 00:00 18.01.2001

Ա. ԴԱԲԱՂՅԱՆ