![\"\"](\"https://www.aravot.am/2011/aravot_arm/April/20/p8.jpg\")
Այսօր Վրաստանի մայրաքաղաքում՝ Խորհրդարանական հանրային գրադարանի մեծ դահլիճում տեղի կունենա «Հայոց ցեղասպանությունը 1914-18 թվականների վրացական պարբերականներում» գրքի շնորհանդեսը: Ժողովածուում ներկայացված են Վրաստանի ազգային խորհրդարանական գրադարանի՝ վրացական պարբերականների բաժնում պահպանվող Հայոց ցեղասպանության թեման լուսաբանող նյութեր: Վրաստանի արխիվներում պահվող պարբերական հրատարակությունների՝ Հայոց ցեղասպանությանը վերաբերող նյութերը չեն ուսումնասիրվել: Այս ժողովածուն ներկայացնում է տեղեկատվության լայն մի շերտ, որը անծանոթ էր լայն հասարակությանը:
Հրատարակության գլխավոր նպատակը վրաց ընթերցողին Հայոց ցեղասպանության մասին Խորհրդարանական հանրային գրադարանի արխիվներում պահպանված նյութերին ծանոթացնելն է: Ժողովածուում պահպանված է 20-րդ դարասկզբի վրացական մամուլին բնորոշ լեզվական ոճը:
