Նոյեմբերի 9-ին տեղեկացրել ենք, որ նոյեմբերի 7-ի գիշերը պիցցայից թունավորման ախտանիշներով Կապանի բժշկական կենտրոն են տեղափոխվել Շինարարների թաղամասի նույն ընտանիքի 3 անդամները:
Այսօր նրանք դուրս են գրվել հիվանդանոցից:
Ըստ հիվանդանոցի գլխավոր վարակաբան Աիդա Բադալյանի` մոր եւ 2 աղջիկների առողջական վիճակը արդեն լավ էր եւ լաբորատոր հետազոտությունների արդյունքների հայտնի դառնալուց հետո նրանք դուրս են գրվել: Սակայն, բժշկուհու փոխանցմամբ, լաբորատոր հետազոտության արդյունքներով հնարավոր չի եղել հստակ ախտորոշում տալ եւ պարզել թունավորման իրական պատճառը, հավանական է սննդից թունավորման վարկածը:
Այն, որ 3-ն էլ նույն օրը օգտվել են տնային պայմաններում պատրաստած պիցցայից՝ փաստ է: Իսկ ուտելիքը պատրաստվել էր նրբերշիկով, երշիկով ու մայոնեզով: Տուժածների կյանքին այլեւս վտանգ չի սպառնում, իսկ Կապանում այս օրերին չեն արձանագրվել թունավորման այլ դեպքեր;
Կարդացեք նաև
Մերի ՍՈՂՈՄՈՆՅԱՆ
