Երեւանի կենդանաբանական այգու գլխավոր հատակագիծը նախագծման փուլում է: Արդեն մի քանի ամիս է,ինչ արտասահմանից ժամանած միջազգային ճանաչում ունեցող մասնագետները կամավոր սկզբունքով նախագծման աշխատանքներ են իրականացնում: Այսօր Կենդանաբանական այգում հրավիրված ասուլիսում նախագծի նախնական տարբերակն ու այգու արդեն վերանորոգված տիպը ներկայացրին այգու տնօրեն Ռուբեն Խաչատրյանն ու արտերկրի մասնագետները: Սինգապուրի կենդանաբանական այգու նախկին տնօրեն Դեյվիդ Հենքոքսի ներկայացմամբ, ըստ նախագծի, այգին մի քանի գոտիներից է բաղկացած լինելու ու միայն մուտքն է մնալու անփոփոխ, որովհետեւ չկա այլընտրանք. «Առաջին զոնայում առանձնացվելու են զուգարանները, տոմսարկղը եւ մնացած նախապատրաստական աշխատանքների համար նախատեսված վայրերը»: Նրա խոսքերով, Կենդանաբանական այգում գործելու է նաեւ ճոպանուղի, եւ այցելուներն իրենց նախընտրությամբ կարող են որոշել՝ զբոսնե՞լ, թե՞ այգու գոտիները մուտք գործել ճոպանուղով:
Այգու տնօրեն պարոն Խաչատրյանն էլ հավելեց, ոչ մինչեւ այգու վերանորոգումը, դեռ շատ անելիքներ ունեն, մասնավորապես՝ կենդանիների համար հարմար վանդակներ ու անհրաժեշտ սնունդ, հարմարավետ խոհանոց ապահովելու առումով:
Նշենք, որ այգու տնօրինությունն այս տարի նախատեսում է գազիֆիկացնել կենդանիների կացարանները: Ընդ որում՝ որպես վառելիք կօգտագործվի նաեւ կենդանիների գոմաղբը:
Կարդացեք նաև
Արփինե ՍԻՄՈՆՅԱՆ
