Մամուլում հայտնված տեղեկությունների համաձայն, երեկ «Մարիոթ» հյուրանոցում Սյունիքի մարզպետ Սուրեն Խաչատրյանը ծեծի է ենթարկել գործարար Սիլվա Համբարձումյանին, որն օրեր առաջ նրան մեղադրել էր գողության մեջ։
«ՉԻ» – Սյունիքի մարզպետի հասցեին հնչած մեղադրանքներն իսկապես չափազանց ծանր էին, բայց ամեն դեպքում՝ չենք կարծում, թե կին գործարարին ծեծելը «լիսկաթափվելու» լավագույն ձեւն է։ Հայաստանում, որքան տեղյակ ենք, կան դատարաններ, իսկ եթե պրն Խաչատրյանր չէր ցանկանում գործ ունենալ դատաիրավական համակարգի հետ, կարող էր մենամարտի հրավիրել տկն Համբարձումյանին։ Չնայած՝ պրն Խաչատրյանը գուցեեւ իրավացի է: Նա երեւի նախապես պարզել է, որ Սիլվա Համբարձումյանը նախագահի աշխատակազմի արարողակարգի բաժնում չի աշխատում, եւ միայն դրանից հետո է ձեռնամուխ եղել դաստիարակչական գործողություններին: Հակառակ դեպքում Սյունիքն արդեն այսօրվանից նոր մարզպետ կունենար:
Դա, ի դեպ, կարող էր խիստ բացասական հետեւանքներ ունենալ Հայաստանի համար, որովհետեւ դատելով պրն Խաչատրյանի հերոսական արարքներից, Սյունիքի մարզն այսօր հուսալիորեն պաշտպանված է արտաքին թշնամիներից:
Կարդացեք նաև
«Չորրորդ ինքնիշխանություն»
